منطقة وادى الملاك تقع فى محافظة الشرقية بمصر وتتكون من عدة قرى هى الثمانين والستين وأبوعمار والحفنية والنمره ومرشاق والسلايمه وقريه واحد والعديد من القرى الأخرى
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 نكت تهلك من الضحك

اذهب الى الأسفل 
كاتب الموضوعرسالة
الرومانسى

avatar

المساهمات : 24
تاريخ التسجيل : 13/05/2011
العمر : 25
الموقع : http://kenanaonline.com/alhooot

مُساهمةموضوع: نكت تهلك من الضحك   الجمعة أكتوبر 19, 2012 12:32 pm

Laughing
1 - واحد جاب لمراته خدامة الست كل لما تنادى على الخدامة
الخدامة تيجى جرى و تركع تحت رجلها الست استغربت اوى و سالت جوزها هى ليه بتعمل كدة جوزها قالها : يا حبيبتى دى من الهند و دول بيعبدوا البقر
2 - شاب صعيدى شاف ابوه بيكتب ...سأله بتعمل ايه يابا...قاله باكتب جواب لعمك ...قاله هو انت بتعرف تكتب....قاله يعنى هو عمك بيعرف يقرا
3 - محشش ماشى وراه واحدة جسمها رشيق و شعرها حلوبيقولها انا عندى عمارات و اراضى و فلوس لفت وشها لقاها وحشة قالها يلعن ابو القمار ضيع منى كل ده
4 - مرة واحد زهقان من نفسه جدا فقرر انه يتمشي علي البحر وهو بيتمشي لقي
زجاجه ففتحها راح طلعله عفريت قاله شوبيك لوبيك تطلب ايه قاله ابوس ايدك انا خاطب ليا 5 سنين وعاوز اتجوز ومش لاقي شقه عاوز شقه راح العفريت ضاربه بالقلم وقاله هو لو انا كنت لاقي شقه كنت نمت في الزجاجه السنين دي
5 - مرة وحدة بتحكي لحبيبها اهلي مسافرين والبيت فاضي قالها اقرائي قران ومتخافيش
6 - راجل بيقول لمراتة مش قولتلك يا ولية تصحينى الساعة 6 قالتله معلش ياحبيبى اصلى جيت اصحيك لقيتك نايم .
7 - راجل يشتكي لصاحبه يقوله الدنيا دلوقتى مالهاش امان ؟ سأله صاحبه لييييه ؟ قاله : تسدأ امس رحت لجلبيه ابويه اسرق محفظته لقيت محفظتي فى جيبة
8 - بلدينا ماسك قنبله وعمال يحدفها من الإيد دى للايد دى ، قابله واحد تانى قال له خرب بيتك ولما تنفجر فى وشك ، قاله : ماتخافش معايه غيرها
9 - واحد قاعد هو وخطيبتة قاعدة رومانسية ..قالها تعرفى يعنى اية الحب واية الجواز , قالتلة لا ..قالها: "الحب زى النجوم الجميلة اللى فى السماء .قالتله"طب والجواز؟"قالها:"دى البلاعة اللى واحنا بنبص على النجوم بنقع فيها..
10 - عملوا جائزة مليون جنيه للي عنده 10 عيال.واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة.راح ولما رجع ملقاش العيال سأل مراته فين العيال قالتله كل عيل أبوه جه خده.
11 - واحد غبي راح يخطب الأب قاله البنت لسه فى المدرسة رد عليه الغبي وقاله يعنى أجيلها بالليل.
12 - سواق راح يحلق الحلاق بيساله : عايز شعرك ازاى؟؟؟ قاله: فى اى حته على جنب.
13 - محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام.
14 - واحد بخيل راح يزور أمه فى المستشفى شاف على الباب مكتوب ادفع قال: خلاص ابقي ازورها لما تروح البيت.
15 - واحد سنانه كلها طايرة ما عدا الانياب... قدم علي وظيفة عينوه خرامة
16 - مرة واحد توأم شاف أخوه قال له: انت فين من الصبح يخرب شكلك أمي خلتني أستحمى مرتين.
17 - مدرس انجليزي بيقول لطالب لو عايز تقول لواحد تعالا هنا بالانجليزي حتقولو إيه ؟ قالو حقوله : كام هير ، قالو طب لو عايز تقولو يرجع تاني حتقولو إيه ؟ قالو : الف من الناحية التانية واقولو : كام هير .
18 - مره مدرس بيسأل الطالبه بتعملو ايه لما بتروحو…؟ واحد قال انا بروح اتفرج على التليفزيون وانزل لاحمد بتاع الحشيش…والثانى قاله انا يروح العب كوره واروح لاحمد بتاع الحشيش
والثالث قاله انا بروح اصلى وافرأ قرأن واذاكر… فا المدرس فرح اوى وخده بالحضن وسأله انت اسمك ايه؟ قاله انا احمد بتاع الحشيش
19 - واد كسلان جدا شغال في ورشة كل اما المعلم يقول له هات مفك ، يقول له كمان شويه .. بكره .. مش وقته. ، وفى يوم لمبة الورشة اتحرقت ، المعلم قاله ركب اللمبه قال له دي حاجة سهلة قوي، وشاله المعلم على كتفه واستنى دقيقة دقيتين ربع ساعه مافيش حاجة ركبت ، قال له المعلم انت مركبتش اللمبه ليه؟ قال له اللمبه قلاووز وانت اللى مبتلفش يا معلم .
20 - مره واحد دخل على مراته لاقاها بتخونه مع واحد من أعز اصحابه قام قتله.. قالت له غبى بالطريقة ده ح تخسر كل اصحابك
21 - المحشش والجن
محشش عايز يستأجر بيت ونصحوه لانه فيه جن يخوف بس ما سمعش كلامهم واستأجره جا الليل .. قام الجن و قال لزمايله هطلع اخوفه طلع الجن و قعد جنب المحشش وقاله ممكن سيجارة ؟ بص له المحشش وقال إتفضل نزل الجن عند زمايله وهو متغاظ وقالهم ما خافش ؟؟؟
رجع الجن نتف نفسه وخلى الدم يشرشر من جلده وطلع عند المحشش وقاله ممكن سيجارة؟ بص له المحشش وقاله إتفضل انجن الجن ونزل لزمايله وقالهم المره دى هموته من الرعب .... قام شال عينيه ولف راسه وكسر ايدة وطلع عند المحشش وقاله ممكن سيجارة ؟ بص له المحشش وقاله إتفضل هنا الجن طلعت فى راسه نخله وطار عقله ونزل تحت وبهدل نفسه بهدلة وطلع العامود الفقرى وخلى جلده مشرشر وقلب عيونه وطلع عند المحشش وقاله : ممكن سيجارة ؟!
بص له المحشش وقاله : مش ملاحظ أن التدخين عمال يدمر فى صحتك..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكت تهلك من الضحك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب الملاك :: معاً للإصلاح والتطوير . منتدى شباب الملاك :: منتدى الطرائف والألغاز-
انتقل الى: